Southgate kuendelea kuwa kocha England

Kocha Gareth Southgate

kocha wa timu ya vijana ya England chini ya miaka 21 Gareth Southgate amesema anataka kuendelea kuwa kocha wa kikosi hicho.

kauli hiyo ya kocha imekuja baada ya timu yake kuondoshwa katika michuano ya vijana ya ulaya na Itali kwa kuchabagwa mabao 3-1katika mchezo wa mwisho .

"Nina mkataba unaniweka hapa ningependa kubaki ,"alisema Southgate, ambaye mkataba wake wa sasa unafikia kikomo mwaka 2017.

"Nadhani tulikuwa hadithi mkubwa ya mafanikio katika suala la watu binafsi na wamekuja kupitia mpango huo."

Southgate alikwenda katika michuano hiyo ya ulaya bila ya nyota Saido Berahino aliyekua majeruhi , huku akiwakosa Raheem Sterling, Jack Wilshere na Ross Barkley ambao wangeweza kukisaidi kikosi hicho lakini kutokana kuwa wachezaji wanaokichezea kikosi cha kwanza cha wakubwa waliachwa.

TIMU YA TAIFA U 15 YAANZA MCHAKA MCHAKA 

Kikosi cha timu ya taifa ya vijana wenye umri chini ya miaka 15 (U-15) kesho Ijumaa kinatarajia kusafiri kwenda jijini Mbeya kwa ajili ya mchezo wa kirafiki na timu kombani ya mbeya U15.

U15 ambayo inanolewa na kocha Bakari Shime, itaondoka na kikosi cha wachezaji wa thelathini (30) ambapo wanatarajiwa kucheza michezo miwili ya kirafiki na timu ya kombani ya mkoa wa Mbeya ya vijana wenye umri chini ya miaka 15.

Timu itacheza michezo ya kirafiki siku ya jumapili na jumatatu ambapo kocha Shime atatumia nafasi hiyo kutambua uwezo wa wachezaji wake na kuongeza wachezaji wengine watakaonekana kutoka katika kombani ya mkoa wa Mbeya.

Mwezi ujao kikosi cha U-15 kitaelekea kisiwani Zanzibar kucheza michezo ya kirafiki na timu za kombaini ya Zanzibar kisha baadae kuendelea na ziara ya kucheza michezo ya kirafiki katika mikoa ya Iringa, Morogoro, Tanga, Arusha, Mwanza na Dodoma.

Lengo la TFF ni kuhakikisha Tanzania inakua na kikosi bora cha timu ya Taifa ya vijana wenye umri chini ya miaka 17 kitachoshiriki kuwania kufuzu kwa fainali za vijana Afrika wenye umri chini ya miaka 17 mwaka 2017 nchini Madagascar.

 TRA  YAZITAKA SIMBA, YANGA KUWALIPIA KODI WACHEZAJI, MAKOCHA

Mamlaka ya Mapato Tanzania (TRA) imeziagiza klabu zinavyoshiriki Ligi kuu Bara wakiwemo vigogo Yanga na Simba kuwalipia kodi makocha na wachezaji wao wa kigeni.

Kamshina wa TRA ameliagiza Shirikisho la Soka Tanzania (TFF) kupitia kwa katibu mkuu wake kuwa, klabu zote vya mpira wa miguu nchini vinavyoajiri walimu, wachezaji kutoka ndani na nje ya nchi wahakikishe wanaweka kipengele cha kodi katika mikataba wanayoingia kuwaajiri.

Vilabu vyao vinapaswa kuwasilisha mikataba yote ya ajira ya wachezaji na walimu wao ili kukokotoa kodi stahiki kwa kila mmoja wao na mikataba yao kugongwa muhuri na stempu.

Kwa mujibu wa sheria za Kodi ya Mapato ya mwaka 2004, kufungu namba 7, kila mtu anayepata mapato yatokanayo na ajira katika Jamhuri ya Muungano wa Tanzania anawajibika kulipa kodi ya mapato kulingana na kipato chake.

Aidha, kwa mujibu wa Sheria ya Ushuru wa stempu ya mwaka 1973, kifungu namba 5 kikisomwa pamoja na jedwali la sheria hii, kila mkataba unatakiwa kugongwa muhuri na stempu na ofisa wa stempu wa Mamlaka ya Mapato Tanzania.

Kwa kuwa TFF ndio mlezi na msimamizi mkuu wa vilabu vya Mpira wa Miguu hapana nchini na hasa Ligi Kuu, tunaviomba klabu zote kuhakikisha vinawasilisha mikataba ya walimu na wachezaji yao ofisi za Mamlaka ya Mapato Tanzania kwa ajili ya kugongwa mihuri na stempu.

IMETOLEWA NA MSEMAJI WA TFF, BARAKA KIZUGUTO

MKUDE NAYE KWA NGASA BONDENI!

Kiungo wa Simba, Jonas Mkude anaondoka leo kwenda nchini Afrika Kusini kwa ajili ya kufanya majaribio.

Mkude anakwenda kufanya majaribio katika klabu ya Bidvets ya Afrika Kusini.

Msemaji wa Simba, Haji Manara amesema uongozi umempa ruksa na tayari umezungumza na uongozi wa benchi la ufundi la Taifa Stars.

“Tumemumbeaoa ruhusa Mkude aende kwenye majaribio, kwa kuwa amechaguliwa timu ya taifa, nao tumewasiliana nao.

“Kocha Mkwasa ni kati ya watu ambao wangependa maendeleo ya wachezaji kwenda nje, hii pia itaisaidia Taifa Stars. Hivyo hawezi kuwa na tatizo,” alisema.

Majaribio yanaweza kuwa ya wiki moja hadi zaidi kulingana na mahitaji ya timu hiyo inayomilikiwa na moja ya vyuo vikuu vikongwe barani Afrika cha Wits cha jijini Johannesburg.

MKWASA AOMBA ASIPIGWE MAWE SIMBA

Katika mahojiano yake ya kwanza ateuliwe Kocha Mkuu wa Taifa Stars, Charles Boniface Mkwasa amezungumza mambo mengi huku akigusia suala la kutembelea katika mazoezi ya baadhi ya timu.

Katika mazungumzo hayo Mkwasa amesema kuna mambo ambayo Watanzania tunapaswa kuyapa nafasi katika Timu ya Taifa.

Kwanza lilikuwa ni lile la kuwapa nafasi vijana wa kikosi chake kwa kuwa ndiyo wanaanza kujipanga.

“Wavumilieni kwa kuwa sasa ndiyo wanajipanga upya tena. Waungeni mkono na msitumie muda mwingi kuwazoemea au kuwapiga.

“Nafikiri hatuko katika hali ambayo tunaweza kusema tumekaa vizuri, tunahitaji kujipanga. Tafadhari tupeni muda,” alisema Mkwasa.

Lakini la pili ni lile ambalo wakati anazungumza, aliwagusa na Simba.

“Nitapita hadi kwenda mazoezi ya baadhi ya timu kwa ajili ya kuangalia wachezaji. Lengo ni kupata wale wenye kiwango chenye msaada.

“Ninaweza kuzungumza na makocha wa timu mbalimbali pia. Mfano naweza kuwatembelea mazoezini na kushauriana nao.

“Sasa si Simba mnione mazoezini kwenu, halafu mnipige mawe kwamba nimeijia nini. Mimi ni kocha wa timu ya taifa,” alisema Mkwasa.

Mkwasa bado ni kocha msaidizi wa Yanga na pia ni mmoja wa wachezaji magwiji wa Yanga.

KAIJAGE AWAOMBA WACHEZAJI TANZANITE KURIPOTI KAMBINI KUJIANDAA DHIDI YA ZAMBIA

Timu ya taifa ya soka ya Wanawake 'Tanzanite' wenye umri chini ya miaka 20 (U-20) Tanzanite Stars, imeingia kambini jana jioni Mbande jijini Dar es salaam na itakua ikifanya mazoezi kwenye Uwanja wa Azam Complex jijini Dar es Salaam.

Kikosi cha wacheaji 22 chini ya Kocha Mkuu, Rogasian Kaijage kinafanya mazoezi asubuhi na jioni katika uwnaja wa Azam uliopo Chamazi kujiandaa na mchezo dhidi ya U-20 ya Zambia utakaofanyika kati ya Julai 10, 11 na 12 jijini Dar es salaam.

Mchezo huo dhidi ya Zambia ni wa kuwania kufuzu kwa Fainali za Wanawake za Dunia wenye umri chini ya miaka ya 20, zitakazofanyika nchini Papua New Guinea mwaka 2016.

Wachezaji waliopo kambini ni, NajiAati Abbasi, Zuwena Aziz, Shelder Boniface, Stumai Abdallah, Donisia Daniel, Tatu Iddy (Evergreen Queens), Niwael  Khalfani, Maimuna Hamis (Mburahati Queens), Anastazia Anthony, Amisa Athumani, Amina Ramadhani, Neem Paulo (JKT Queens).

Wengine ni Asha Shaban, Rebeka Daniel, Brandina Wincelaus (Tanga), Happines Hezroni, Jane Cloudy (JKT Queens), Wema Richard, Gerwa Lugomba, Sadda Ramadhani (Uzuri Queens), Anna Hebron (Evergreen Queens) na Shehati Mohamed (Mburahati Queens)

Aidha wachezaji Monica Henry, Tumaini Michael (Uzuri Queens), Diana Msewa (Mbeya), na Vailet Nicolaus (Evergreen) bado hawajaripoti kambini wanaombwa kuripoti  na kuungana na wenzao katika maandalizi ya mchezo huo dhidi ya Zambia.

IMETOLEWA NA SHIRIKISHO LA MPIRA WA MIGUU TANZANIA (TFF)

chanzo saleh jembe