Habari picha za MUM fc kule Mjini Dodoma

Walinda milango wa Timu ya MUM wakifanya mazoezi kabla ya  mechi dhidi ya Saba saba Fc (kushoto) Miraji Muswadick na Mzee wa Yanga.picha na Majid Yusuf

Kocha Mkuu wa MUM FC  Mwl. Abdallah Kessy akitoa maelekezo kwa vijana wake dhidi ya Saba saba fc Mkoani Dodoma mwishoni mwa wiki jana.picha na Majid Yusuf

Timu ya Chuo Kikuu  Cha Waislaam Morogoro( MUM FC) wakiwa katika Uwanja wa Dodoma Secondary kabla ya kukipinga na Saba saba  Fc ya Mkoan hapo. picha na Majid Yusuf.



Mtanange wa MUM FC  dhidi ya Saba saba Fc ukiendelea katika viwanja vya Dodoma Secondary mkoani humo.picha na Majid Yusuf

Baadhi ya wachezaji wa MUM Fc wakimpongeza kinda wa Saba saba fc ya mkoani Dodoma baada ya MUM FC  Kushinda wa 3 bila .picha na Majid Yusuf

Baadhi ya viongozi wa wa MUM FC wakijivunia ushindi wa 3 bila dhidi ya Saba saba fc ya MKoani Dodoma .picha na Majid Yusuf

Ally Hamad (kulia), Mwl. Abdallah Kessy ( katikati) na Waziri wa Michezo wa Chuo Kikuu cha Waislaaam  Morogoro Hussein Nyombi wakishaaa katika kiwanja cha Chuo Kikuu cha Biashara ( CBE ) mkoani Dodoma.picha na Majid Yusuf

Baadhi ya wachezaji wa MUM FC wakifanya mazoezi ya kuuchezea mpira kabla ya kukwaana na wenyeji wao  CBE FC ya mkoani Dodoma.picha na Majid Yusuf

Baadhi ya  viongozi wa MUM FC wakitoa maelekezo kwa timu yao kabla ya mechi dhidi ya CBE FC ya Dodoma.picha na Majid Yusuf

Baadhi ya wachezaji wa MUM FC wakisikiliza maelekezo kutoka kwa viongozi wa timu hiyo kabla ya kukwaana na CBE FC.picha na Majid Yusuf

MUM FC katika picha kabla ya kukwaana na CBE FC ya Dodoma picha na Majid Yusuf

MUM FC wakifanya womapu kabl;a ya mchezo wao kabla ya CBE FC picha na Majid Yusuf

MUM FC KATAIKA UWANJA WA CBE MJINI DODOMApicha na Majid Yusuf

MUM FC wakati wa kupasha Charlse Masesa (aliyechini) akiwa amepata mshutuko wa nyama  za mguu wa kulia.picha na Majid Yusuf



baadhi ya wachezaji wa MUM FC wakiwa wanaangalia ubora wa uwanja wa CBE FC kabla ya mechi yao dhidei ya CBE FCpicha na Majid Yusuf

Timu ya CBE FC ya Dodoma wakifanya womapu kalba ya kuwakabili MUM Fc ya  kutoka Mkoani Morogoro.picha na Majid Yusuf

MUM FC WAKIMFATILIA MWALIMU WAO KABLA YA MCHEZO WAO DHIDI YA CBE FC YA MKOANI DODOMA.picha na Majid Yusuf

First eleven ya MUM FC kabla ya kukwaana na CBE FC.picha na Majid Yusuf

Benchi la ufundi la MUM FC  wakiufatilia kwa makini mtanange dhidi yao na CBE fc .picha na Majid Yusuf

Kocha mkuu wa timu ya CBE FC akitoa maelekezo kwa vijana wake.picha na Majid Yusuf

Wachezaji wa mum fc wakishangilia goli la 4 la mshambuliaji wao Ally Hamad(wa kwanza alovaa jezi )kwa kupiga kaswia .picha na Majid Yusuf

Mshambuliaji wa timu ya MUM FC Ally Hamadi akishangilia goli lake la 4 kwa kusujudu dhidi ya CBE FC .picha na Majid Yusuf

MUM fc wakishangilia goli lao la 3 dhidi ya CBE FC ya Dodoma. picha na Majid Yusuf

MUM fc wakipasha kabla ya mechi ya dhidi ya Jeshi la Magereza Kuu Isanga ya Dodoma.picha na Majid Yusuf

Baadhi ya wachezaji wa timu ya jeshi la magereza la Isanga ya Dodoma wakifanya mazoezi kbala ya kuminyana na MUM FC. picha na Majid Yusuf

MUM FC wakipokea maelekezo kutoka kwa kocha wao Mwl. Abdallah Kessy kabla ya mechi yao na jesji la magereza Isanga ya Dodoma. picha na Majid Yusuf

Kikosi cha MUM FC kabla ya mchezo wao dhidi ya ISANGA FC ya mkoani Dodoma. picha na Majid Yusuf

Charlse Masesa  baada ya kupiga mkwaju wa penalt akiwafanya MUM FC kufuta machozi kwa 2- 1dhidi ya Isanga fc. picha na Majid Yusuf

ISANGA FC KATIKA UBORA WAKE. picha na Majid Yusuf

Mashabiki wa mum fc wakishudia mechi dhidi yao na Isanga fc . picha na Majid Yusuf

Kocha Mkuu wa MUM FC Abdallah Kessy(wakwanza kulia) akifatilia mechi yao dhidi ya Isanga fc. picha na Majid Yusuf

Mwalimu Abdallah Kessy baada ya kufungwa gali la pili na timu ya Isanaga ya mkoani ya Dodoma. picha na Majid Yusuf

MUM FC baada ya mechi yao dhidi ya Isanga fc, mum fc walipoteza mechi hiyo kwa kufungwa mbili moja. picha na Majid Yusuf

MUM FC na ISANGA FC wakiwa katika picha ya pamoja  wakimanisha michezo ni umoja. picha na Majid Yusuf

MUM fc wakiwa katika gari lao na majonzi baada ya kupoteza mchezo wao dhidi ya Isanga fc kwa matokeo ya 2-1. picha na Majid Yusuf

NGOMA ASEMA AL AHLY KWELI NI WAGUMU LAKINI KINACHOTAKIWA NI KUPAMBANA TU

Pamoja na hofu ya uwezo mkubwa wa Al Ahly ya Misri, lakini mshambuliaji nyota wa Yanga amesema, ana imani wana kikosi bora na watapambana.

Yanga itaivaa Al Ahly katika mechi ya Ligi ya Mabingwa itakayopigwa kwenye Uwanja wa Taifa jijini Dar es Salaam, jana.

Ngoma amesema kamwe hawapaswi kuogopa hata kidogo kwa kuwa wao ni timu na mashabiki wajitokeze kwa wingi kuwaunga mkono.

"Hata ratiba imeonekana inatubana kutokana na mechi za mfululizo kabla ya kucheza na Al Ahly, lakini mimi ninachoona ni kupambana zaidi ya hapa.

"Tunapaswa kuendelea kujiandaa, kwa sisi wachezaji ni kuelekeza nguvu na akili kwenye kila mchezo unaokuja. Al Ahly utakuwa na ugumu, lakini tunaweza kabisa kufanya vizuri," alisema.

Ngoma ni kati ya washambuliaji hatari wa Yanga na amekuwa msaada mkubwa zaidi hasa katika mechi za nyumbani.

source saleh jembe

BILIONEA WA UARABUNI SASA MWENYEKITI MPYA AFRICAN LYON, ATEGEMEWA KUZIPA USHINDANI YANGA, SIMBA, AZAM

Dk Sulaiman

Mmoja wa mabilionea wa Kiarabu, Dr Sulaiman Abdul Kareem Mohammed Al Fahim, sasa ndiye Mwenyekiti mpya wa klabu ya African Lyon.

Kutua kwake na uzoefu alionao katika soka kimataifa, unatafsiriwa kuwa ushindani mpya kwa Yanga, Simba na Azam FC.

African Lyon iliyowahi kumilikiwa na bilionea wa Kitanzania, Mohammed Dewji kabla ya kununuliwa mfanyabiashara Mtanzania mwingine, Rahim Zamunda, imerejea Ligi Kuu Bara msimu huu.

Al Fahim anaanza kuwa mwenyekiti wa klabu hiyo kuanzia Aprili 16 na atafanya kazi ya kuiinua na kuiboresha klabu hiyo kuwa moja ya timu bora na zenye ushindani katika Ligi Kuu Bara.

Kupitia Faheem Group, mona ya makampuni makubwa anayoyamiliki kutoka Abu Dhabi, Dk Sulaiman ambaye ni mzoefu na mambo ya soka la kimataifa, pia atawasaidia vijana kupiga hatua kisoka.

Taarifa zinasema bilionea huyo ana urafiki wa karibu na Sheikh Mansour bin Zayed Al Nahyan wa Abu Dhabi ambaye ni mmilikiw klabu ya Manchester City.

Akizungumza na SALEHJEMBE, mmiliki wa African Lyon, Zamunda amesema anamkaribisha Dk Sulaiman kwa mikono miwili.

“Imekuwa ni kama miaka mitatu au minne tokea tuanze kumshawishi Dh Sulaiman kuungana nasi. Lakini sasa tuna furaha kubwa kumkaribisha, pia tuna matumaini kwamba tutaweza kwenda vizuri na kujua ujio wa maisha ya baadaye ya klabu hii kwa uhakika, hii ni kutokana na uzoefu mkubwa wa soka kimataifa alionao,” alisema.

source saleh jembe

MWILI WA DHAIRA ULIVYOWASILI UGANDA, BURIANI ABEL DHAIRA

WAOMBOLEZAJI WAKISUKUMA MWILI WA KIPA WA ZAMANI WA SIMBA, ABEL DHAIRA ALIYEFARIKI DUNIA NCHINI ICELAND KUTOKANA NA KUSUMBULIWA NA UGONJWA WA KANSA YA UTUMBO. BURIAN RAFIKI....

source saleh jembe

LUKAKU APEWA NAFASI YA KUREJEA CHELSEA, CAVANI, HIGUAIN NAO  KUPATA NAFASI

Wanaopewa nafasi ni pamoja na Romelu Lukaku, Ednson Cavani pia Gonzalo Higuain.

Safu ya ushambulizi ya Chelsea imeonekana kutokuwa na makali sana, hivyo lazima kocha huyo Muitaliano atataka kufanya mabadiliko.

Conte amepata mafanikio makubwa akiwa na Juventus, lakini ana kazi ya kuirejesha Chelsea kwenye heshima yake baada ya kufeli msimu huu.

source saleh jembe

 UCHAWI WA ZIDANE ULIVYOWAMALIZA MSN WAKAONEKANA WAKO LIKIZO NDANI YA EL CLASICO

Na Saleh Ally

ULISIKIA namna ambavyo karibu kila kona ya dunia walivyokuwa wakiamini Real Madrid inakwenda kwenye Uwanja wa Camp Nou jijini Barcelona kuchota aibu katika mechi yake ya pili ya Ligi Kuu Hispania ‘La Liga’ msimu huu.

Si Ulaya tu, Tanzania na Afrika kote, wengi waliamini lazima Madrid ingefungwa katika mechi hiyo ya juzi usiku kwa kuwa Barcelona inayoongoza La Liga ina kikosi bora kabisa, tena watendaji kazi ya ufungaji watatu sasa ni kama ndugu na hawakamatiki.

Lionel Messi, Luis Suarez na Messi walipachikwa jina la MSN walionekana watafanya yao na hakuwa wa kuwazuia huku wale wapinzani wao Karim Benzema, Gareth Bale na Cristiano Ronaldo maarufu kama BBC wakionekana kuwa wamedoda kwani hata timu yao iko katika nafasi ya tatu na ilikuwa na tofauti ya pointi 10 dhidi ya Barcelona.

Safari ya Camp Nou, kwa maana ya mtazamo haikuwa inaonekana ni nzuri kwa Madrid. Lakini wengi wakiwemo wachambuzi hawakuwa na subira kuona kocha mpya wa Real Madrid ambaye alikuwa anaiongoza timu yake katika El Clasico ya kwanza akiwa mwalimu, atafanya nini.

Kocha huyo amefanikiwa kuiongoza Madrid kuitwanga Barcelona kwa mabao 2-1, mabao ya Karim Benzema na Cristiano Ronaldo na bado ikaonyesha soka safi la kitabuni.

 Zinedine Yazid Zidane si mgeni wa El Clasico, amecheza tokea enzi za Kocha wa Barcelona, Luis Enrique lakini hata mshambuliaji nyota wa Barcelona, Messi pia amepambana naye.

Kwa Zidane, El Clasico ni kitu anachokijua kwa undani. Anaujua ukali na ubora wa Barcelona kwa vitendo kwa kuwa amecheza. Si rahisi kumlinganisha na Rafa Benitez au Carlo Ancelotti hata kama wao ni makocha wakubwa.

 Kuijua El Clasico, haina maana Zidane hatofungwa lakini kwa kuwa ni El Clasico yake ya kwanza, lazima ilikuwa afanye kitu tofauti, hicho ndicho kilichoimaliza Barcelona juzi usiku.

Kwa namna Madrid ilivyocheza, hesabu ya kwanza ilikuwa ni kuwaweka mfukoni MSN ambao utaona walikuwa ‘likizo’, utafikiri hawapo. Walijaribu lakini mtego wa Zidane ukawamaliza.

Mbili ilikuwa kuziba mianya ya mipira inayopitishwa katikati ya uwanja, kama ambavyo wamekuwa wakifanya Barcelona wakimtumia Messi au Iniesta. Tatu ni kupokonya mipira kwa haraka na kushambulia kwa mtindo wa kuvuruga.

Lakini mwisho, utaona mwanzo hadi mwisho wa mchezo, wachezaji wanne hawakuondoka kabisa nyuma ya mpira. Unaweza kusema Madrid walipaki angalau basi dogo aina ya Hiace lakini kila waliposhambuliwa, likawa basi kubwa kabisa kama Ngorika kwa kuwa wote walirejea na kuacha watu wawili tu mbele.

Uchezaji wa Barcelona na Madrid kimfumo umekuwa ni  4-3-3. Lakini Zidane akarejea kwenye mfumo mama wa 4-4-2 ambao ulionekana kuwazima kabisa Barcelona.

Chanzo cha kwanza cha uzimaji wa jaribio la MSN ilikuwa ni kumtumia kiungo mkabaji Carlos Casimiro maarufu kama Casemiro ambaye hata katika upangaji wa timu kabla ya mchezo ni 9% ndiyo walitabiri huenda angecheza, lakini akawa chaguo la kwanza la Zidane.

CASMIRO VS SUAREZ

Lakini unaona Zidane anawachanganya zaidi Barcelona kwa kuwa anawatumia viungo wote ambao hucheza, yaani Luca Modric na Toni Kroos. Maana yake Casemiro anakuwa kiungo wa tatu.

Utaona safu ya kiungo ya Madrid ilikuwa bora katika ukabaji kwa kuwa kwa wakati mmoja, Casemiro na Kroos walishuka chini na Modric aliyekuwa namba saba akaingia kati kucheza kama namba nane. Hivyo katikati hasa Madrid inaposhambuliwa, palikuwa pamejaa na hapakuruhusu mipango ya upenyezaji mipira.

 Kweli utaona mara kadhaa, Madrid walikosea, lakini si zaidi ya asilimia 20. Ndiyo maana hata baada ya nahodha wa Madrid, Ramos alipolambwa kadi nyekundu, Madrid hawakuwa na haraka ya kufanya mabadiliko kwa kuwa ilikuwa katika mpango sahihi wa ulinzi.

Lakini mfumo wa ushambulizi pia, wakati Madrid inatoka nyuma kwenda mbele, kwanza ilikuwa ni mchezaji mmoja au wawili kukimbia na mpira kwa kasi kama ambavyo Neymar na Messi hufanya. Utaona bao la kwanza namna Modric alivyokimbia na mpira, akampa Marcelo naye akafanya sawa, naye kabla ya kumpa Kroos tayari alibadilishana na Modric na kuingia namba saba aliyepiga krosi safi kwa Benzema.

Madrid wangeweza kufunga mabao mengi zaidi kama wangekuwa makini. Barcelona hawakuwa na mpango B wa maana kwa kuwa walilazimika kutoka katika mchezo wa mipango ya uhakika na kulazimisha bao la kona kwa kuwa Pepe alifanya uzembe, Gerard Pique akamtoroka.

Wakati Barcelona wakiwa nyumbani wanaonekana ni wakali sana, mpango mpya wa Zidane unaonekana kumvuruga hata Kocha wa Barcelona, Enrique ambaye haraka hakuwa amejiandaa kuuvunja, ndiyo maana Madrid ikiwa ugenini ikacheza vizuri zaidi na kufunga mabao mazuri likiwemo lile lililokataliwa alilofunga Bale ambalo halikuwa na tatizo kama mwamuzi angekuwa makini.

Kitu kidogo sana kinaweza kubadilisha jambo katika mechi moja kubwa. Licha ya kutokuwa na uzoefu kama kocha mkubwa, Zidane ametumia uzoefu wake wa kucheza La Liga na El Clasico, kuishangaza Barcelona.

source saleh jembe

 KOCHA MPYA CHELSEA, WAKATI AKIWA MWANASOKA, AKIWA KOCHA

Antonio Conte amesaini miaka mitatu kuifundisha Chelsea akitokea Juventus aliyowahi kung’ara akiwa mchezaji na baadaye kocha. Conte sasa anachukua nafasi ya kocha wa muda wa Chelsea, Guud Hiddink. Cheki baadhi ya picha zake.

source saleh jembe

ANGALIA INFANTINO ALIVYOONYESHA  MAKALI YAKE YA KUKPIGA NCHINI BOLIVIA



INFANTINO AKIMILIKI MPIRA HUKU CAFU AKIWA TAYARI KUMSAIDIA...

Rais wa Fifa, Gianni Infantino ameendelea kuonyesha mapenzi take ya kucheza soma uwanjani baada ya kucheza mechi iliyojumuisha nyota mbalimbali duniani dhidi ya nyota wa Bolivia ambako mechi hiyo ilichezwa.

Nyota wa Bolivia waliongozwa na Rais Evo Morales huku Infantino akiwangoza nyota mbalimbali kutoka Amerika Kusini kama Cafu, Faustino Asprilla, Pablo Aimar, Roberto Ayala na Martin Palermo, pamoja na nyota pekee kutoka Ulaya, Fernando Hierro ambaye ni nahodha wa zamani wa Real Madrid na Hispania. CHEKI ILIVYOKUWA HIYO SIKU NNE ZILIZOPITA.

source saleh jembe